អន្តរជាតិ៖ សត្វគោមួយមានក្បាលពីរ ដែលជារឿងដ៏កម្រមួយកើតនៅក្នុងស្រុក Gomati ភាគឦសានប្រទេសឥណ្ឌា។ កូនគោនេះកើតនៅថ្ងៃសៅរ៍ ១៥ មករា នៅផ្ទះកសិករមួយ។ បើតាមវិទ្យាសាស្រ្តគោនេះមានជម្ងឺម្យ៉ាងហៅថា 'ប៉ូលីសេហ្វាលី'។

លីសេហ្វាលី (Polycephaly) គឺជាលក្ខខណ្ឌនៃការមានក្បាលច្រើនជាងមួយ។ សត្វក្បាលពីរ (ហៅថា bicephalic ឬ dicephalic) និងសត្វមានក្បាលបី (tricephalic) ។ Polycephaly កើតឡើងនៅពេលដែលសារពាង្គកាយមាន ក្បាលពីរអាចនៅជាប់គ្នា ឬក្បាលពីរអាចភ្ជាប់ដោយផ្ទាល់ជាមួយនឹងដងខ្លួន ។

អគ្គនាយករងនៃនាយកដ្ឋានអភិវឌ្ឍន៍ធនធានសត្វក្នុងទីក្រុង Tripura លោកវេជ្ជបណ្ឌិត Pritam Sarkar បាននិយាយកាលពីថ្ងៃអង្គារថា លោកមិនដែលឃើញករណីបែបនេះនៅ Tripura ក្នុងរយៈពេល ១០-១៥ ឆ្នាំចុងក្រោយនេះ។ វាជាករណីដ៏កម្របំផុតមួយក្នុងករណីបែបនេះ អត្រារស់រានមានជីវិតទាបណាស់វាមានប្រហែល ៣៨ភាគរយ។

គួររំលឹកដែររថា ក្នុងករណីស្រដៀងគ្នានេះ ក៏មានកូនគោដែលមានក្បាលពីរបានកើតនៅ Lazec ភូមិមួយនៅ North Macedonia ក្នុងខែមេសា ឆ្នាំ ២០២១៕